Njoftim mbi privatësinë

Ky njoftim shpjegon si Consensus Law Limited i mbledh, i përdor dhe i mbron të dhënat tuaja personale.

Rreth këtij njoftimi

Ky njoftim shpjegon si Consensus Law Limited i trajton të dhënat tuaja personale. Ai jepet në zbatim të neneve 13 dhe 14 të Rregullores së Përgjithshme për Mbrojtjen e të Dhënave të Mbretërisë së Bashkuar (UK GDPR) dhe të Data Protection Act 2018.

Kush jemi

Consensus Law Limited është kontrolluesi i të dhënave personale që mbajmë për ju. Selia jonë e regjistruar ndodhet në Solar House, 915 High Road, London N12 8QJ. Jemi një shoqëri e regjistruar në Angli dhe Uells (me numër regjistrimi 16096696) dhe jemi të autorizuar dhe të rregulluar nga Bar Standards Board (organi rregullator i profesionit të barrister-it në Angli dhe Uells; numri i referencës së entitetit BSB 193596).

Zyrtari për Mbrojtjen e të Dhënave

Nuk kemi detyrim të caktojmë një Zyrtar për Mbrojtjen e të Dhënave sipas nenit 37 të UK GDPR. Përgjegjësia e përditshme për mbrojtjen e të dhënave i takon Drejtorit, Matei Clej.

Të dhënat personale që mbledhim

• Të dhëna identifikuese: emri, data e lindjes, adresa, shtetësia, dokumentet e identifikimit.
• Të dhëna kontakti: adresa postare, adresa e emailit, numri i telefonit.
• Të dhëna të çështjes: faktet e çështjes për të cilën na angazhoni, duke përfshirë dokumente, korrespondencë, deklarata dëshmitarësh, akte gjyqësore dhe informacione nga palë të treta.
• Të dhëna të kategorive të veçanta: kur janë të rëndësishme për një çështje — për shembull, informacione për shëndetin tuaj fizik ose mendor, orientimin seksual, bindjet fetare ose filozofike, ose origjinën racore a etnike.
• Të dhëna për vepra penale: vepra të pretenduara, akuza, dënime, masa të shqiptuara, paralajmërime zyrtare (cautions) dhe informacione të lidhura me to, kur janë të rëndësishme.
• Të dhëna financiare: të dhëna faturimi, regjistrime pagesash dhe informacione për burimin e fondeve, kur kërkohet.
• Të dhëna të faqes së internetit: nëse na kontaktoni përmes formularit në këtë faqe, informacionet që dërgoni dhe data e dërgimit.

Pse i përpunojmë të dhënat tuaja dhe bazat tona ligjore

• Për t'ju ofruar shërbime ligjore — neni 6(1)(b) i UK GDPR (kontrata).
• Për të përmbushur detyrimet tona ligjore dhe rregullatore — neni 6(1)(c).
• Për të ndjekur interesat tanë legjitimë — neni 6(1)(f), duke përfshirë administrimin e praktikës, faturimin dhe konstatimin, ushtrimin ose mbrojtjen e pretendimeve ligjore.
• Për të dhënat e kategorive të veçanta — neni 9(2)(f) dhe, kur zbatohet, (g), së bashku me paragrafët 12 dhe 13 të Pjesës 2 të Shtojcës 1 (Schedule 1) të Data Protection Act 2018.
• Për të dhënat për vepra penale — neni 10, së bashku me paragrafin 33 të Pjesës 2 të Shtojcës 1 (Schedule 1) të Data Protection Act 2018.

Me kë i ndajmë të dhënat tuaja

Ne nuk i shesim të dhënat tuaja. I ndajmë ato vetëm kur është e nevojshme për çështjen tuaj ose kur e kërkon ligji. Marrësit mund të përfshijnë gjykatat, tribunalet, policinë, autoritetet e ndjekjes penale, Home Office (Ministrinë e Brendshme të Mbretërisë së Bashkuar) dhe organe të tjera publike që lidhen me çështjen tuaj; solicitor-ët instruktues (avokatët që na angazhojnë), ekspertët, përkthyesit gojorë dhe përkthyesit e dokumenteve; rregullatorët tanë (Bar Standards Board, Legal Ombudsman (Ombudsmani për shërbimet ligjore), ICO) dhe siguruesin tonë të përgjegjësisë profesionale; ofruesit e ruajtjes në renë kompjuterike dhe të emailit që përdorim për administrimin e praktikës; si dhe personat të cilëve duhet t'u bëjmë zbulime në zbatim të një urdhri gjyqësor, të Proceeds of Crime Act 2002 ose të Terrorism Act 2000.

Transferimet ndërkombëtare

Disa ofrues emaili dhe ruajtjeje në renë kompjuterike që përdorim janë të vendosur në Shtetet e Bashkuara ose në vende të tjera jashtë Mbretërisë së Bashkuar, ose i përpunojnë të dhënat përmes tyre. Kur të dhënat personale transferohen jashtë Mbretërisë së Bashkuar, mbështetemi në rregulloret e përshtatshmërisë (duke përfshirë UK Extension të EU–US Data Privacy Framework), në International Data Transfer Agreement / UK Addendum të Klauzolave Kontraktore Standarde të BE-së, ose në derogimet e nenit 49 — në veçanti nenin 49(1)(e) (transferime të nevojshme për konstatimin, ushtrimin ose mbrojtjen e pretendimeve ligjore).

Sa gjatë i ruajmë të dhënat tuaja

Dosjet e klientëve ruhen për shtatë vjet nga mbyllja e çështjes. Regjistrimet e ankesave ruhen për të paktën gjashtë vjet nga mbyllja. Regjistrimet financiare dhe tatimore ruhen për të paktën gjashtë vjet. Dërgesat e formularit të faqes që nuk çojnë në angazhim ruhen deri në dymbëdhjetë muaj.

Siguria

Marrim masa të përshtatshme teknike dhe organizative për të mbrojtur të dhënat personale, duke përfshirë emailin dhe ruajtjen e enkriptuar, vërtetimin me shumë faktorë, kontrollet e aksesit dhe asgjësimin e sigurt të materialeve në letër.

Cookies dhe analitika

Faqja e internetit e Consensus Law nuk vendos cookies gjurmimi apo marketingu. Faqja ngarkon skedarë fontesh nga Google Fonts, gjë që mund të bëjë që adresa juaj IP t'i vihet në dispozicion Google-it. Nuk përdorim asnjë mjet analitik, as tonin, as të palëve të treta. Dërgesat e formularit të kontaktit përpunohen nga ofruesi ynë i host-imit (Netlify) dhe na përcillen me email.

Vendimmarrja e automatizuar dhe të dhënat e fëmijëve

Nuk marrim vendime të bazuara vetëm në përpunim të automatizuar dhe nuk krijojmë profile të subjekteve të të dhënave. Shërbimet tona nuk u drejtohen fëmijëve.

Të drejtat tuaja

Sipas UK GDPR ju keni të drejtën e aksesit, të korrigjimit, të fshirjes, të kufizimit të përpunimit, të bartshmërisë së të dhënave, të kundërshtimit dhe të tërheqjes së pëlqimit (kur pëlqimi është baza ligjore). Disa të drejta janë të kufizuara kur të dhënat tuaja i mbajmë në lidhje me procedura gjyqësore. Për të ushtruar një të drejtë, na shkruani në info@consensus-law.com. Do të përgjigjemi brenda një muaji nga marrja e një kërkese të vlefshme.

Ankesat pranë Information Commissioner (Komisionerit të Informacionit)

Ndryshimet e këtij njoftimi

Ky njoftim mund të përditësohet herë pas here. Data e „rishikimit të fundit" në fund të faqes pasqyron datën e rishikimit më të fundit.

Rishikuar së fundi: 11 maj 2026.